ඩිෆෙන්ඩර් රථයක් හා යතුරුපැදියක් මුහුණට මුහුණ ගැටීමෙන් අද දහවල් 2.00 ට පමණ මයික්කුලම ප්‍රදේශයේ දී මෙම රිය අනතුර සිදුව ඇති බව වාර්තා වෙනවා.
මෙම අනතුරෙන් යතුරුපැදියේ ගමන් කළ එක් පුද්ගලයෙකු මිය ගොස් තවත් අයෙකු බරපතළ ලෙස තුවාල ලබා හලාවත මහ රෝහලට ඇතුළත් කිරීමෙන් අනතුරුව කොළඹ ජාතික රෝහලට මාරු කර යවා ඇත.
අනතුරෙන් මිය ගොස් ඇත්තේ හලාවත ප්‍රදේශයේ පැවැත්වෙන අලුත් අවුරුදු උත්සවයක් නැරඹීමට යමින් සිටි දුම්මලසූරිය-වතුවත්ත පදිංචිකරුවකු බව කියන ප්‍රදීප් කුමාර නමැති අයෙකු වන අතර තුවාල ලබා ඇත්තේ වතුවත්ත පදිංචි එම්.පී මාකස් උදයකුමාර නමැති අයෙකි.
අනතුරට සම්බන්ධ ඩිෆෙන්ඩර් රථය පදවා ඇත්තේ ක්‍රිකට් ක්‍රීඩක ජෙහාන් මුබාරක් විසින් බවත්, ඔහු විදේශිකයන් කිහිපදෙනෙකු සමග විල්පත්තු වනෝද්‍යානය නැරඹීම සඳහා ගොස් ආපසු එමින් සිටින අතරතුරදී මෙම අනතුර සිදුව ඇති බවත් වාර්තා වේ.
0 Comments:
Post a Comment