මානෙල් ආනන්ද කැදැල්ලේ තවත් සාමාජිකයන් දෙදෙනෙක්‌ ජනිත් සහ සංකේත්. ජනිත් වගේම සංකේත්ද දැන් දක්‍ෂ තරුණ නළුවන්. පවුලේ හතර දෙනාම දක්‍ෂයන් කාර්යබහුල අය.
මානෙල් වානගුරු පසුගියදා ඇගේ උපන් දිනය සැමරුවා. සාදය සංවිධානය කළේ ජනිත්. මේ උපන්දින උත්සවයට කලින් දවසේ මානෙල්ට දුරකථන ඇමතුමක්‌ ලැබිණි. ඒ බත්තරමුල්ල ඩේවිඩ් පීරිස්‌ සමාගමේ චෙරි QQ අංශයෙනි.
"ඔබතුමියට තෑග්ගක්‌ තියෙනවා. ඇවිත් ගන්න..." සමාගමේ නිලධාරිනියක්‌ එසේ කියද්දී මානෙල්ට හිතුණේ එය විහිළුවක්‌ කියා. නමුත් යළිත් ඇමතුම ආ විට ඇයට එය විශ්වාස කළාය.
මානෙල් චෙරි QQ ප්‍රදර්ශනාගාරයට ගියාය. "කැමති කාර් එකක් තෝරා ගන්න..." චෙරි QQ මෝටර් රථ පෙන්වමින් ප්‍රදර්ශනාගාරයේ නිලධාරියෙක්‌ කියද්දී මානෙල්ට කිසිවක්‌ සිතා ගන්නට නොහැකි විණි. ඒ සමගම ඉහළ මාලය දෙස ඇගේ දෙනෙත් එකවර යොමු විණි. ජනිත් පුතා.... සිනාසෙමින් ඉහළ සිට මව දෙස බලා සිටී.
"අම්මේ... ඇවිත් මේ කළු පාට චෙරි QQ එක තෝරා ගන්න. අම්මට මගෙන් උපන්දින තෑග්ගක්‌" ජනිත් කියද්දී දරු සෙනෙහස වැඩි වැඩියෙන් මානෙල්ට දැනිණි.
පසුගිය කාලේ මටම කියලා වාහනයක්‌ නැතුව මම හුඟාක්‌ කරදර වුණා. මේ ගැන දවසක්‌ මම ජනිත්ට කිව්වා. චෙරි QQ කාර් එකකට මම කැමතියි කියලත් පුතාට කිව්වා. ඒ කතාව එතැනින් අවසාන වුණත් පුතා ඒක මතක තියාගෙන හිටියා. හරිම හොඳ කාර් එක. පාවිච්චියට, නඩත්තුවට හරිම පහසුයි. හුරුබුහුටි පෙනුම. හොඳට ඉඩකඩ තියෙනවා. අපේ පවුලේ හතර දෙනාටම සුව පහසුව ගමන් කළ හැකියි. ඉන්ධන පිරිමැස්‌ම ඉතාම හොඳයි. මගේ ගමන් වියදම භාගයකට වඩා වැඩියෙන් අඩු වුණා. මේ කාර් එක මට හැම අතින්ම ගැලපෙනවා. මේක තමයි මම ආසම කාර් එක.මම ඩේවිඩ් පීරිස්‌ සමාගම ගැන අහලා තිබුණා. ඒත් චෙරි QQ අංශයට ගියාම තමයි දැනගත්තේ පාරිභෝගිකයන්ට හරිම සුහදශීලීව සලකන සමාගමක්‌ බව. ඔවුන් ජනිත් එක්‌ක එකතුවෙලා වැඩ කළ අන්දම ගැන හිතද්දී අදහන්නත් බැහැ. මේ චෙරි QQ කාර් එක නිසා මගේ උපන් දිනය අමතක නොවන දිනයක්‌ බවට පත්වුණා. මානෙල් වානගුරු ශිල්පිනිය ඉතා සතුටින් පවසන්නීය. ආදරණීය මවට.. මේ වටිනා ත්‍යාගය පිරිනැමූ පුතා ජනිත් වික්‍රමගේද ඒ ගැන අදහස්‌ පළ කළේය.
අම්මා මුල ඉඳලාම චෙරි QQ කාර් එකකට ආසාවෙන් හිටියේ. කොහොමහරි අම්මට මේ කාර් එකත් අරන් දෙනවා කියලා මම අධිෂ්ඨාන කර ගත්තා. අපේ අම්මට චෙරි QQ කාර් එක හොඳින්ම ගැලපෙනවා. ඉන්ධන පිරිමැස්‌ම, අලෙවියෙන් පසු සේවාව නිසා නඩත්තුව ගැනත් බයක්‌ නැහැ. හිත නිදහස්‌. අම්මාගෙන් මේ කාර් එක ඉල්ලාගෙන මමත් සමහර වෙලාවට රවුමක්‌ යනවා. දුර ගමන්වලටත් කියාපු වාහනය. හොඳට ඉඩකඩ තියෙනවා. ඩේවිඩ් පීරිස්‌ සමාගමේ චෙරි QQ වාහන අංශය පාරිභෝගික සත්කාරයෙන් අංක එක. වගකීමක්‌ ඇතුව වැඩ කරන කාර්ය මණ්‌ඩලයක්‌ ඉන්නේ. අම්මාට පුදුම කරවන්න මට ඕනෑ වුණා. මගේ ඒ කැමැත්ත තේරුම් අරගෙන ඔවුන් මට උපරිමයෙන් උදව් කළා. ඒ ගැන ඔවුන්ට ස්‌තුතිය පුද කරනවා.
0 Comments:
Post a Comment